மிளகு, இன்றைய நடைமுறையில் நாம் தினமும் சமையலில் பயன்படுத்தும் ஒரு எளிமையான மசாலா பொருள் ஆகும். “மசாலாக்களின் அரசன்” என அழைக்கப்படும் மிளகு, உணவுக்கு சுவையைக் கொடுக்கிறது. உடலுக்கு பலன்களும் தருகிறது. ஆனால், நாம் யதார்த்தமாக இதன் உண்மை அறிந்திருக்கிறோமா? மிளகு – உணவா, இல்லையெனில் மருந்தா? அல்லது இரண்டுமே சேர்ந்த கலவையா?

இந்தக் கட்டுரையில் மிளகின் வரலாறு, மருத்துவ பண்புகள், அதனை உணவில் பயன்படுத்தும் வழிகள் மற்றும் நம் முன்னோர்களின் பாரம்பரிய அறிவை ஆராயப் போகிறோம்.

மிளகின் வரலாறு

மிளகு  என்பது பைபர் நிக்ரம் (Piper nigrum) என்ற தாவரத்தில் இருந்து பெறப்படுகிறது. இது இந்தியாவின் தெற்கு பகுதிகளில், குறிப்பாக கேரளா மற்றும் தமிழ்நாட்டில் பரவலாக வளர்க்கப்படுகிறது. மிளகு இந்தியாவில் பண்டைய காலம் முதலே பருவ மழை, வெப்ப நிலை, மற்றும் பசுமை பரப்பில் உண்டான முக்கியமான மூலிகை வகை.

மிளவு  காய்ந்த பிறகு, இது உலகம் முழுவதும் ஏற்றுமதி செய்யப்படுகிறது. பண்டைய காலத்திலேயே மிளகு ஒரு “கருப்பு பொன்” எனக் கருதப்பட்டது. வெறும் 100 கிராம் மிளகு உலக சந்தையில் விலை உயர்ந்த பொருளாக இருந்தது. 

இந்திய சமையலில் மிளகு 

இந்திய சமையலில் மிளகு மிகவும் முக்கியமான இடத்தை வகிக்கிறது. இது உணவுக்கு ருசி மட்டும் அல்லாது மருத்துவ குணமும் அளிக்கக்கூடிய ஒரு நறுமண மசாலா பொருளாகும். இது பெரும்பாலும் ரசம், குழம்பு, சாம்பார் மற்றும் பல சமையல்களில் முக்கியப் பங்காற்றுகிறது. மிளகு ஜீரண சக்தியை ஊக்குவித்து, உடலில் வெப்பத்தை ஏற்படுத்தி, குளிர், இருமல் போன்ற நோய்களை எதிர்க்கும் தன்மையைக் கொண்டுள்ளது. இந்திய மரபு மருத்துவமான ஆயுர்வேதத்திலும் மிளகு முக்கியமான மூலிகையாகப் பயன்படுத்தப்படுகிறது. இவ்வாறு, மிளகு இந்திய சமையலில் சுவையும், ஆரோக்கியமும் சேர்த்துத் தரும் ஒரு முக்கிய பொருளாக  விளங்குகிறது. 

மிகப் பிரபலமான மிளகு உணவுகள்:

• மிளகு ரசம்
• மிளகு கோழி (Pepper Chicken)
• மிளகு பொடி
• மிளகு சட்னி
• மிளகு வதக்கல்
• மிளகு தேநீர் (pepper tea)

மிளகு பயன்படுத்தும் முறை 

• சில சமயங்களில் உணவில் முழு மிளகும் சேர்க்கப்படுகிறது. உதாரணமாக மிளகு குழம்பு .
• அரைத்த மிளகு பவுடர், குழம்பு மற்றும் முட்டை ஊற்றாப்பம்  போன்றவற்றில் பயன்படுத்தப்படுகிறது.
• எண்ணெயில் வதக்கப்படும் மிளகு, உணவிற்கு  தனிச்சுவையே தருகிறது. 

Shop now: உணவின் சிறந்த துணை – இயற்கை வளம் கொண்ட இடுக்கி மிளகு!

மிளகு – இயற்கையின் அற்புத மருந்து:

மிளகில் பல்வேறு மருத்துவ குணங்கள் உள்ளன. இதில் முக்கியமானது பைபரைன் (Piperine) எனும் உயிர்ச்சத்தாகும். இதுவே மிளகிற்கு அதன் கார சுவையையும், உடலுக்குத் தரும் பலன்களையும் அளிக்கிறது.

1. ஜீரண சக்தி:

மிளகு பசியை தூண்டும், ஜீரண நீரின் உற்பத்தியை அதிகரிக்கும். இது சிறுநீரகங்களை தூண்டி, வாயுத் தொந்தரவை குறைக்கும்.

2. ஈரல் மற்றும் குடல் நலம்:

மிளகு இயற்கையான டிடாக்ஸிபையர். இது ஈரலில் உள்ள நச்சு சேர்மங்களை வெளியேற்ற உதவுகிறது. குடல் கிருமிகளை அழிக்கவும் பயன்படுகிறது.

3. உடல் எடையை குறைக்கும்:

பைபரைன் உடலின் மெட்டபாலிசத்தை (உடல் சக்தி மாற்றம்) ஊக்குவித்து, கொழுப்பை கரைப்பதில்  முக்கிய பங்கு வகிக்கிறது.

4. நோயெதிர்ப்பு சக்தி:

மிளகு உடலில் உள்ள வெள்ளை அணுக்களை தூண்டி வைரஸ், பாக்டீரியா போன்றவற்றை  எதிர்க்க உதவுகிறது.

5. இரத்த அழுத்தத்தை கட்டுப்படுத்துதல்:

மிளகு, உடலின் இரத்த நாளங்களை சீராக வைத்திருந்து, இரத்த அழுத்தத்தை சமன்படுத்துகிறது.

6. மூளை செயல்பாடு மேம்பாடு:

பைபரைன் நினைவாற்றல், கவனம், மற்றும் புரிதல் திறனை மேம்படுத்தும் என்று ஆராய்ச்சிகள் கூறுகின்றன.

மருத்துவ நுணுக்கங்களும் நாட்டு வைத்திய முறைகளும்:

நம் முன்னோர்கள் மிளகை வெறும் சுவைக்காக மட்டுமல்ல, நலனுக்காகவும் பயன்படுத்தினர். பாரம்பரிய நாட்டு மருந்து முறைகளில் மிளகு முக்கிய இடம் பெற்றுள்ளது.

இருமல்: மிளகு, திப்பிலி, அடலோடகம் சேர்த்து தயார் செய்யும் கஷாயம் இருமலுக்கு  சிறந்த தீர்வாகும்.

தலைவலி: மிளகு கொண்டு தயார் செய்யும் எண்ணெய் தலைவலிக்கு  சிறந்த நிவாரணம் தரும்.

அஜீரணம் : மிளகு சாறில் உப்பு சேர்த்து குடிப்பது உடனடி அஜீரணத்திற்கு  உதவுகிறது.

காய்ச்சல் : மிளகு, துளசி, இஞ்சி சேர்த்து காஷாயமாக கொடுப்பது சிறந்த மருத்துவ  முறையாகும்.

ஆய்வுகளால் நிரூபிக்கப்பட்ட உண்மைகள்:

• பல்வேறு மருத்துவ மற்றும் அறிவியல் ஆய்வுகள் மிளகின் பலன்களை ஆதரிக்கின்றன.

• 2013-ஆம் ஆண்டு வெளியான ஒரு ஆய்வில் பைபரைன் மூளையின் டோப்பமின் அளவை கட்டுப்படுத்தி மன அழுத்தத்தை குறைக்கும் என்றும் கூறப்பட்டுள்ளது.

• இன்னொரு ஆய்வில், பைபரைன் உடல் எடையை குறைக்கும் மருந்துகளில் ஒரு இயற்கையான மாற்றாக பயன்படுத்த முடியும் என்றும் தெரிவிக்கப்பட்டது.

சரியான  பயன்பாடு:

• மிளகு பலன்கள் நிறைந்தது எனினும், அதை அளவுக்கு மிஞ்சி எடுத்துக்கொள்வது சில பக்கவிளைவுகளை ஏற்படுத்தலாம்.

• அதிக மிளகு உட்கொள்வதால் வயிறு எரிச்சல், அஜீரணம், நெஞ்செரிச்சல் ஏற்படலாம்.

• கர்ப்பிணிப் பெண்கள் அதிக அளவில் மிளகைப் பயன்படுத்துவதை தவிர்க்க வேண்டும்.

• குழந்தைகள்  மிளகு அதிகம் எடுத்தால் காய்ச்சல் ஏற்படும்.

அதனால், ஒரு நாளைக்கு 2–4 கிராம் மிளகு போதுமானது என நிபுணர்கள் கூறுகின்றனர்.

சுருக்கம் :

மிளகு உணவாக மட்டும் இல்லாமல், நம்முடைய உடல்நலத்திற்கு ஆதரவான மருந்தாகவும் செயல்படுகிறது. அதனால்தான் நம் முன்னோர்கள் “உணவே மருந்து, மருந்தே உணவு” என்றார்கள் .

அதனால், மிளகு – உணவா? மருந்தா? — அது இரண்டும்!

சரியான அளவில், சரியான முறையில் எடுத்துக் கொண்டால், மிளகு உங்கள் வாழ்நாளில் ஒரு சிறந்த பொருளாகும்!

மேலும் அறிய : “மனமுழுதும் வாசனை பறக்கும் மிளகு!”