இந்தியாவின் சமையல் கலாச்சாரம், மருத்துவ துறை மற்றும் வாசனைபொருள் உற்பத்தியில் ஏலக்காயின் பங்கு மிக முக்கியமானது. “மசாலா பொருட்களின் ராணி” என்று அழைக்கப்படும் ஏலக்காய், சிறிய விதையாக இருந்தாலும் உலகளாவிய சந்தையில்  பெரும் தாக்கத்தை ஏற்படுத்தும் ஒரு முக்கிய பொருளாக மாறியுள்ளது. இந்தியாவில் குறிப்பாக கேரளா, கர்நாடகா, மற்றும் தமிழ்நாடு போன்ற மாநிலங்களில் ஏலக்காய் பெரும்பாலும் பயிரிடப்படுகிறது. இந்த நறுமண மூலிகை உலகின் பல்வேறு நாடுகளுக்கு அதாவது ஐரோப்பா, அமேரிக்கா, ஜப்பான் போன்ற நாடுகளுக்கு ஏற்றுமதி செய்யப்படுகிறது.

எனவே, இந்த கட்டுரையில், ஏலக்காயின் பயன்கள், உற்பத்தி மற்றும் ஏற்றுமதி நிலை, உலக சந்தையின் தேவை, சந்திக்கப்படும் சவால்கள் மற்றும் எதிர்கால வாய்ப்புகள் ஆகியவற்றைப் பற்றிய முழுமையான தகவல்களை பார்ப்போம்.

ஏலக்காயின் சிறப்புமிக்க தன்மைகள்:

1. அரோமாவும் சுவையும்:

ஏலக்காயின் முக்கிய சிறப்பு அதன் வாசனை மற்றும் சுவை. இது உணவுப் பொருட்களில் பயன்படுத்தும்போது சுவையை அதிகரிக்கிறது.

இனிப்பு வகைகளிலும், தேநீரிலும், பாயசம் மற்றும் பிரியாணி  போன்ற உணவுகளில் ஏலக்காயை சேர்த்தால் அதன் தனித்துவமான வாசனை உணவின் தரத்தை உயர்த்துகிறது.

2. மருத்துவப் பயன்கள்:

ஆயுர்வேதம் மற்றும் சித்த மருத்துவத்தில் ஏலக்காய் பசியை தூண்டுவது, செரிமானத்தை மேம்படுத்துவது, இரத்த அழுத்தத்தைக் கட்டுப்படுத்துவது போன்ற பல மருத்துவ பயன்கள் கொண்டதாகக் குறிப்பிடப்பட்டுள்ளது.

இது ஒரு இயற்கை ஆண்டி-ஆக்ஸிடன்ட் (antioxidant), நோயெதிர்ப்பு சக்தி ஊக்கியாகவும் பயன்படுகிறது.

3. வாசனை திரவியங்கள்:

  இது பெரும்பாலும்  பெண்கள் உபயோகிக்கும்  வாசனை பொருட்களில் (perfumery) முக்கியமான மூலிகையாக உள்ளது.

இந்தியாவில் ஏலக்காய் உற்பத்தி நிலை:

இந்தியா, உலகின் மிகப்பெரிய ஏலக்காய் உற்பத்தியாளர்களில் ஒன்று. இந்திய ஏலக்காய் “மலபார் ஏலக்காய்”, “முன்னார் ஏலக்காய்” மற்றும் “காரா ஏலக்காய்” போன்ற வகைகளில் கிடைக்கிறது. இந்தியாவிலேயே கேரளா மாநிலம் அதிக அளவில் ஏலக்காய் உற்பத்தி செய்யும் மாநிலமாக உள்ளது.

பிரதான உற்பத்தி மண்டலங்கள்:

கேரளா: இடுக்கி மாவட்டம் முக்கிய உற்பத்தி பகுதியாகும். இங்கு உயரமான மலைப் பகுதிகள் மற்றும் சிறந்த மழைபொழிவுகள் ஏலக்காய் வளர்ச்சிக்கு ஏற்ற சூழல் அளிக்கின்றன.

கர்நாடகா: கோடகு, சிக்கமகள் ஆகிய பகுதிகள்.

தமிழ்நாடு: நாமக்கல், திண்டுக்கல், மற்றும் நீலகிரி பகுதிகள்.

Shop now: உங்கள் சமையலுக்கு மணமும் சுவையும் தரும் ஏலக்காய் பெற tastesy.in ல் ஆர்டர் செய்யுங்கள்.

ஏற்றுமதி நிலை மற்றும் புள்ளிவிவரங்கள்:

1. முக்கிய ஏற்றுமதி நாடுகள்:

• சவுதி அரேபியா
• ஐக்கிய அரபு எமிரேட்ஸ்
• அமெரிக்கா
• ஈரான்
• ஜெர்மனி
• ஜப்பான்
• கனடா

2. ஏற்றுமதி மதிப்பு:

2023-2024 ஆண்டில் மட்டும் இந்தியா ஏறத்தாழ 18,000 மெட்ரிக் டன் ஏலக்காயை ஏற்றுமதி செய்துள்ளது. அதன் மதிப்பு சுமார் 1,500 கோடி ரூபாயாக இருந்தது. கடந்த பத்து ஆண்டுகளில் ஏலக்காயின் ஏற்றுமதி விகிதம் 20% வரை உயர்ந்துள்ளது.

உலக சந்தையில் தேவையும் வளர்ச்சியும்:

உலகம் முழுவதும் ஆரோக்கிய உணவுப் பொருட்கள், இயற்கை வாசனை பொருட்கள், மற்றும் மூலிகை மருந்துகளுக்கான தேவை அதிகரித்துவரும் நிலையில், ஏலக்காய் முக்கிய இடத்தை பிடித்துள்ளது.சமீபத்திய ஆராய்ச்சிகள் மற்றும் உணவுப் பொருட்கள் சான்றிதழ்கள் ஆகியவைகள் இந்திய ஏலக்காயின் தரத்தை உலக சந்தையில் வலுப்படுத்துகின்றன.

சந்தை சவால்கள்

1. விலை மாறுபாடு:

• ஏலக்காய் உற்பத்தி பெரும்பாலும் இயற்கை சூழ்நிலையை சார்ந்து இருப்பதால், ஆண்டுதோறும் விளைச்சல் அளவில் நிலைத்தன்மை காணப்படுவது அரிது. 
• குறிப்பாக பருவமழை தாமதம், கடுமையான வெப்பம், பூஞ்சை நோய்கள் மற்றும் நச்சு நீர்களின் தாக்கம் போன்றவை ஏலக்காய் விளைச்சலை நேரடியாக பாதிக்கின்றன. இந்த விளைச்சல் மாறுபாடுகள் சந்தையில் வழங்கும் அளவையும், அதன்மூலம் விலையையும் நிலைநாட்ட முடியாமல் செய்கின்றன. 
• ஒரு ஆண்டில் அதிக உற்பத்தி ஏற்படும்போது விலை சரிந்து போகும். அதே சமயம் குறைந்த விளைச்சல் உள்ள ஆண்டுகளில் விலை கணிசமாக உயரும். இது ஏற்றுமதியாளர்கள் மற்றும் விவசாயிகளுக்கு பொருளாராதர திட்டமிடலில் பெரும் குழப்பத்தையும், நஷ்டத்தையும் ஏற்படுத்துகிறது.

2. போட்டியாளர் நாடுகள்:

• ஏலக்காயில் உலக சந்தை தேவையை உணர்ந்து, இந்தியாவுடன் போட்டியிட பல நாடுகள் ஏலக்காய் உற்பத்தியில் ஈடுபடத் தொடங்கியுள்ளன.
•  குறிப்பாக எல்சால்வடோர், குவாத்தமாலா, ஸ்ரீலங்கா, தாய்லாந்து மற்றும் எத்தியோப்பியா போன்ற நாடுகள், குறைந்த உழைப்பு, செலவு மற்றும் நவீன தொழில்நுட்பங்களை பயன்படுத்தி ஏலக்காயை வியாபாரரீதியாக வளர்த்துப் பெரும் அளவில் ஏற்றுமதி செய்ய ஆரம்பித்துள்ளன. 
• இந்த நாடுகள் தரமான ஏலக்காய்களை குறைந்த விலையில் வழங்குவதால், உலக சந்தையில் இந்தியா எதிர்கொள்ளும் போட்டி மிக கடுமையாக மாறியுள்ளது. இந்திய ஏலக்காயில் உயர்ந்த உற்பத்தி செலவு மற்றும் சீரான தர பராமரிப்பு சாவல்கள் உள்ள நிலையில், இந்த போட்டியாளர் நாடுகள் பல்வேறு சந்தைகளை கைப்பற்றும் அபாயம் உள்ளது.

3. தர நிர்வாகம்:

• ஏற்றுமதிக்கு அனுப்பப்படும் ஏலக்காய்கள் சரியான தரநிலைகளை பூர்த்தி செய்ய வேண்டும் என்பதே உலக சந்தையின் அடிப்படை எதிர்பார்ப்பு. ஆனால் இந்தியாவில் பல விவசாயிகள் மற்றும் சிறிய ஏற்றுமதியாளர்கள் தரவிருத்தி நடவடிக்கைகளை முறையாக பின்பற்றவில்லை. 
• அவற்றில் இயற்கையாக உண்டாகும் வாசனை குறைபாடு, நிற மேம்பாடு, பூஞ்சை புற்று போன்ற காரணங்களால் ஏலக்காய் தரக்குறைபாடு மதிப்பீடு செய்யப்படுகின்றன. இது இந்திய ஏற்றுமதியில் நம்பிக்கையை உலக சந்தையில் பாதிக்கக்கூடும்.

4. சுங்க வரிகள் மற்றும் பரிசோதனை முறைகள்:

• பல்வேறு நாடுகள், குறிப்பாக ஐரோப்பிய யூனியன், அமெரிக்கா மற்றும் ஜப்பான் போன்றவை, உணவுப் பொருட்கள் மற்றும் மூலிகைச் சார்ந்த பொருட்களுக்கு மிக கடுமையாக சுங்கக் கட்டுப்பாடுகள் மற்றும் சுகாதார பரிசோதனைகள் விதித்துள்ளன. 
• ஏலக்காயில் ஏற்றுமதிக்கு முன், அது எந்த ரசாயன பூச்சிக்கொல்லி மற்றும் உரங்கள் பயன்படுத்தப்பட்டுள்ளது என்பதை உறுதி செய்யும் “ரெஸிட்யூ” சோதனைகள் அவசியமாக்கப்பட்டுள்ளது.
•  கூடுதலாக, பல்வேறு நாடுகளில் விதிக்கப்பட்டுள்ள உயர் சுங்க வரிகள், ஏலக்காய் விலையை இறக்குமதியாளர் நாடுகளில் உயர்த்தும் அபாயத்தையும் உருவாக்குகின்றன. இதனால் இந்திய ஏற்றுமதி போட்டியாளர்களுடன் ஒப்பிடுகையில் விலை போட்டியில் பின்னடைவை சந்திக்கிறது. 

அரசுத் திட்டங்கள் மற்றும் ஊக்கங்கள்:

இந்திய அரசு Spice Board of India மூலம் ஏலக்காய் விவசாயிகளுக்கான பயிற்சி, நவீன உற்பத்தி முறைகள், தர நெருக்கடிகள் குறித்த விழிப்புணர்வுகள் மற்றும் ஏற்றுமதி ஊக்கத்திட்டங்களை வழங்கி வருகிறது.

Spice Parks எனப்படும் சிறப்பு ஏற்றுமதி மையங்கள் மூலம் ஏலக்காயின் தரத்தை மேம்படுத்தி வெளிநாட்டு சந்தைக்கு எளிதில் அனுப்பும் வசதியும் ஏற்படுத்தப்பட்டுள்ளது.

ஏற்றுமதியில் நவீன முன்னேற்றங்கள்:

1. இ-காமர்ஸ் வாயிலாக விற்பனை:

உலக சந்தை தற்போது ஆன்லைன் மையமாக மாறிவிட்ட நிலையில், B2B தளங்கள் (Alibaba, TradeIndia) மற்றும் B2C தளங்கள் (Amazon, Flipkart Global, Etsy) மூலமாக ஏலக்காய் விற்பனை மேலும் விரிவடைகிறது.

2. தொலைநோக்கி சந்தைப்படுத்தல்:

வாடிக்கையாளர்களின் தேவையை நேரடியாக புரிந்து கொண்டு அவர்களுக்கேற்ப தயாரிப்பு அளித்தல், சிறிய விவசாயிகளுக்கு வருமானத்தை அதிகரிக்க உதவுகிறது.

3. மூலிகை சார்ந்த உணவுப் பொருட்கள்:

ஹெர்பல் டீ, ஆர்கானிக் மசாலா பொடிகள், இயற்கை நறுமண வாசனை எண்ணெய்கள் போன்ற தயாரிப்புகளில் ஏலக்காய் தனித்துவமான இடத்தை பெற்றுள்ளது. 

எதிர்கால வாய்ப்புகள்:

• மல்டிநேஷனல் நிறுவங்களுடன் ஒப்பந்தம் செய்யல்

• தரம் சார்ந்த பிராண்டிங் மற்றும் லேபிளிங்

• இயற்கை வேளாண்மை  மூலம் மேலதிக மதிப்பு

• உலகளாவிய உணவுக் கண்காட்சிகளில் பங்கேற்பு

முடிவு

ஏலக்காய் என்ற சிறிய விதையினுள் உலக சந்தையை வெல்லும் திறன் இருக்கிறது. இது இந்தியாவின் வேளாண் பொருளாதாரத்தில் மட்டுமல்ல, உலக உணவுப் பண்பாட்டிலும் முக்கிய பங்கு வகிக்கிறது. தரம், நவீனமான உற்பத்தி முறைகள், சந்தை ஆராய்ச்சி மற்றும் அரசின் ஊக்க வழிகளால் ஏலக்காய் ஏற்றுமதி ஒரு புதிய உயரத்தை அடையக்கூடிய வாய்ப்பு மிகுந்துள்ளது. அந்த வகையில், “ஏலக்காய் ஏற்றுமதி – உலக சந்தைக்கு பயணம்!” என்பது உண்மையிலேயே நம்மை பெருமைப்படவைக்கும் ஒரு வெற்றிக் கதை ஆகும்.

மேலும் அறிய: ஏலக்காய் ஏற்றுமதி